故事一則 施美婷執事
曾經看過一本書係路易斯嘅魔鬼《地獄來鴻》，使我有些讀後感，話說有一天大魔頭撒但去巡視業務，見到教會嗰啲信徒個個行來行去，十分之忙碌，但是見到小魔頭在教會裏面遊手好閑，有的在煲劇，有的在吃瓜，有的在午睡。於是大魔頭捉住一個小鬼，問他說：「你們為什麼這樣懶惰呀，唔使跟住啲信徒行出行入嗎?」小魔頭就說：「這間教會的人，他們非常之勤力，但是都係作自己有興趣的事，不是教會有需要的事，他們奉獻金錢給神，就覺得自己俾咗教會好多，但係佢諗唔到上帝俾咗十足佢，佢只係攞出一份給神，其實佢自己袋咗九份，你話邊個有着數啊？但係佢覺得已經給了教會很多，所以十分之巴閉，以為教會冇咗佢就唔得啦。第二類人佢哋嘅事奉十分之認真，因為佢哋只是表現自己嘅才幹和才華，又有些人會隨便找一些東西來做，總好過什麼都不做，免得招人話柄…」
大魔頭又問小魔頭，如果有一日佢哋反省，又會希望要去接近神嘅時候咁點算啊？小魔頭就話沒有這樣的事，因為我替他們擋風、擋雨、擋災、擋難，讓佢哋平平安安過日子，就不會想到上帝來，就算想到上帝來也會覺得什麼事也可以靠自己，靠上帝來做什麼呢？所以有一日去到天家，見到天門嘅時候，都會覺得好陌生，可能過門而不入，咁就跌落地獄之門，還會覺得好開心和好興奮呀，哈哈哈。
後來大魔頭撒但又走去第二間教會行行，見到那一間教會嗰啲人又係走來走去，但係小魔頭跟到身水身汗，大汗疊細汗，氣都抖唔過來，大魔頭就覺得好奇怪囉，於是又捉咗一個小魔頭來問：「你做咩事咁辛苦呀，搞到上氣唔接下氣？」小魔頭就講俾大王知：「大王我這間教會啲人呢，佢哋好勤力祈禱，佢哋時常匿喺敬拜裏面，去反省自己嘅對錯，唔係去反問牧師嘅對同埋錯，佢哋時常關心別人，看到有需要的弟兄姊妹就會召集一些有能力嘅兄姊隱姓去幫助受助者，免得使他們尷尬，有立志奉獻一生為主的，有人又會聯絡有心的兄姊去支持他們的生活費和學費，使神的家不斷事奉的油，又會常提到弟兄姊妹和貧苦大眾嘅名字，又將佢哋嘅姓名交俾神，求神呢讓這些人能夠早日信耶穌，大家都能夠傳揚福音，開拓神的疆土領域，佢地冇乜可以奉獻，正如彼得所講：『金和銀我都沒有，我把所有的給你，就是奉主耶穌的名叫你起來行走。』他們以幫助神的僕人為己任，感到十分之光榮，而且不望回報，因為他們知道天上的父會記念和獎賞，他們為了減輕教會負擔又會去找社會資源去幫助街坊，我最怕聽到佢哋講什麼事也交托給主，奉耶穌的名求，咁我哋就唔係對付人，而是要對付神啦，所以我哋個個做到身水身汗，同埋心驚膽跳呀！」於是大魔頭叫佢地唔好做任何工作，而係等他們團火慢慢熄滅，或者內鬨累鬥累，加入一些互相指控或虛榮兼且自我中心的事，使他們自亂陣腳！
故事就講到這裏，如有雷同，實屬巧合，所以大家想自己嘅教會會成為哪一種教會呢？大家都係聰明仔女，應該識得點做啦！
歌羅西書 3:23 -24「無論做什麼，都要從心裡做，像是給主做的，不是給人做的。因你們知道從主那裡、必得著基業為賞賜．你們所事奉的乃是主基督。」
